BLOGGER TEMPLATES - TWITTER BACKGROUNDS

Monday 31 May 2010

SELAMAT HARI GAWAI

Selamat Hari Gawai nuju semua bala kaban ke ngelala tauka ke be dau ngelala aku. Ngajih ke semua gerai nyamai, gayu guru, lantang senang dalam semua pengawa. Arap ke taun tu bulih pengeraja enggau penyenang ngagai semua

Wednesday 26 May 2010

MINTA TOLONG NGIGA KE AKU SULU

Bala kaban...gawai nyau dampih aku minta bala kitai nulung aku ngiga sulu...nyadi sulu ngirup enggau aku....cuba rekomen sapa ke tau nyadi sulu

Tuesday 25 May 2010

MERUAN BAJIK

Sapa ke enggai meruan bajik taja udah berumur, belaki tauka beranak.

Maioh kitak indu iban enti udah belaki lalu beranak selalu enda nyaga tubuh diri. Umur bedau manggai 40 tahun udah baka ini orang, tubuh kelalu ngeduk, mua baka orang ke pulai mansai. Nya alai laki bisi deka ngiga kantau luar

Ngagai kitai ke indu jaga meh pengerai tubuh kitai lalu anang ingat kitai udah belaki lalu bisi anak pemajik nyau enda ingat ke agi. Ukai minta peda lalu minta puji orang bukai tang kitai empu enti meruan bajik pen senang ati

SELAMAT HARI GAWAI 2010




Selamat gawai dayak 2010 ngagai bala kitai ke iban.

Gawai endang pengerami ke di anti anti bala kitai ari ke nembiak mit ngagai orang ke tuai. Orang ke merantau ngiga pengidup ba negeri bukai maioh pulai ngagai rumah panjai diri empu betemu enggau apai indai lalu kaban belayan. Endang rami amat gawai.

Taja begawai lalu rami tang anang meh bala kitai kelalu ngerua (membazir) ke anak duit kita kelalu. Kekadang kitai iban enda beingat - ingat lalu deka ngabis ke anak belanja ke bisi. 

Anang mabuk kelalu enggai ke belaya enggau bala bukai.....

Selamat Hari Gawai ngagai bala kitai. TERUS IDUP BANSA KITAI  IBAN LALU GAYU GURU NGIBUN MENUA SAMPAI KE JEMAH ILA